Прадстаўленыя ў дапаможніку навучальныя і дыягнастычныя заданні распрацаваны ў кантэксце кампетэнтнаснага падыходу, арыентаванага на авалоданне навучэнцамі ўніверсальнымі вучэбнымі дзеяннямі, якія забяспечваюць уменне вучыцца. Вучэбны матэрыял накіраваны на фарміраванне і ацэнку інтэлектуальных, чытацкіх, камунікатыўных, інфармацыйных і іншых універсальных уменняў, якія ў далейшым дапамогуць вучням самастойна асвойваць новую інфармацыю, супрацоўнічаць, вырашаць розныя жыццёвыя задачы. Заданні маюць нестандартную форму прадстаўлення матэрыялу, уключаюць лішнія і няпоўныя дадзеныя, дапускаюць работу з рознымі крыніцамі звестак, фарматамі тэкстаў, тыпамі пытанняў. Разнастайнасць спосабаў падачы інфармацыі, калізіі і супярэчнасці, якія змяшчаюцца ў заданнях, накіраваны на фарміраванне вопыту вырашэння праблем у сітуацыі нявызначанасці, развіваюць крытычнасць, сістэмнасць, крэатыўнасць і самастойнасць мыслення вучняў.
Рэкамендавана навукова-метадычнай установай «Нацыянальны інстытут адукацыі» Міністэрства адукацыі Рэспублікі Беларусь.